ઉમરેઠઃ ઉમરેઠમાં બોચાસણવાસી અક્ષર પુરુષોત્તમ સંસ્થા (BAPS) મંદિરના પૂજારી પર માનસિક રીતે અશક્ત યુવતી પર બળાત્કાર ગુજાર્યાના આરોપો સામે આવ્યા છે. સ્થાનિક પોલીસ આ કેસની તપાસ કરી રહી છે.
ઉમરેઠના રામ તળાવ પાસે શનિવારે નવજાત બાળકની લાશ ત્યજી દેવાયેલી હાલતમાં મળી આવી હતી. તપાસ કરતાં પોલીસને જાણવા મળ્યું કે તે માનસિક રીતે અશક્ત યુવતીનું બાળક હતું. યુવતીને અમદાવાદની સિવિલ હોસ્પિટલમાં લઈ જવામાં આવી હતી. પીડિતાના પિતાના જણાવ્યા અનુસાર, જ્યારે પોલીસ ટીમે સિવિલ હોસ્પિટલમાં તેની પૂછપરછ કરી, ત્યારે તેણે કહ્યું કે BAPS સ્વામિનારાયણ મંદિરના પૂજારીએ તેના પર બળાત્કાર કર્યો છે.
પીડિતાએ જ્યારે તે નેચર કોલ પર હતી ત્યારે બાળકને જન્મ આપ્યો હતો. ત્યારબાદ તેણીને નડિયાદ સિવિલ હોસ્પિટલમાં ખસેડવામાં આવી હતી. પોલીસને બાદમાં રામ તળાવ પાસે નવજાત બાળક મૃત હાલતમાં મળી આવ્યું હતું. પીડિતાના પિતાએ કહ્યું કે તેની પત્ની પહેલા મંદિરમાં કામ કરતી હતી, પરંતુ તેના મૃત્યુ પછી તેણે અને તેની પુત્રીએ ત્યાં કામ કરવાનું શરૂ કર્યું. પીડિતાના પિતાએ જણાવ્યું હતું કે જ્યારે તેમની પુત્રી ટિફિન લેવા મંદિરમાં ગઈ હતી ત્યારે તેની સાથે બળાત્કાર કરવામાં આવ્યો હતો.
ભારે રક્તસ્ત્રાવને કારણે પીડિતાને પ્રથમ નડિયાદ સ્થિત હોસ્પિટલમાં લઈ જવામાં આવી હતી, અને બાદમાં તેને અમદાવાદ સિવિલ હોસ્પિટલમાં ખસેડવામાં આવી હતી. પીડિતાના પિતાએ મીડિયાને જણાવ્યું કે આરોપી પૂજારીએ તેને જાનથી મારી નાખવાની ધમકી આપી હતી, જેના કારણે તેણી ચૂપ રહી હતી. દેશગુજરાત
