ગાંધીનગરઃ વિશ્વ હિન્દુ પરિષદના ગુજરાત મુખ્યાલય વણકર સ્મારક ભવનનું પુનઃનિર્માણ કરવામાં આવનાર ડો. આ માટેનું ભૂમિપૂજન ગીતા જયંતિના દિવસે ગૃહ રાજ્ય મંત્રી હર્ષ સંઘવીના હસ્તે આંતરરાષ્ટ્રીય અધ્યક્ષ, વિશ્વ હિન્દુ પરિષદ (VHP) આલોક કુમારજી, RSS પશ્ચિમ ક્ષેત્રના વરિષ્ઠ પદાધિકારીઓ, સંતો સહિત અન્યોની હાજરીમાં કરવામાં આવ્યું હતું.
VHP ગુજરાતનું મુખ્યાલય કર્ણાવતી મહાનગરના પાલડી વિસ્તારમાં આવેલું છે. રૂ. 10 કરોડના પુનઃનિર્માણને પરિણામે બેઝમેન્ટ પાર્કિંગ સાથે 711 વાર પ્લોટમાં 28,000 ચોરસ ફૂટનું સંકુલ બનશે. નવા બિલ્ડીંગમાં ઈ-લાઈબ્રેરી, હેડક્વાર્ટર, વિવિધ પાંખો માટે ઓફિસો, ઓડિટોરિયમ, કોન્ફરન્સ રૂમ, ભોજનાલય, સોલાર પેનલ, વરસાદી પાણીના સંગ્રહની વ્યવસ્થા, ભૂગર્ભ ટાંકી વગેરે હશે. નવી ઈમારત 3 વર્ષના સમયગાળામાં તૈયાર થવાની શક્યતા છે.
