અમદાવાદ: રાજ્ય સરકાર મલ્ટી-સ્પેશિયાલિટી હોસ્પિટલોમાં કરવામાં આવતી પૂર્વ-આયોજિત સર્જરીઓ માટે સ્ટાન્ડર્ડ ઓપરેટિંગ પ્રોસિજર (SOP) બનાવશે. તેમની સંમતિ વિના કરવામાં આવેલી એન્જીયોપ્લાસ્ટી બાદ ખ્યાતી હોસ્પિટલમાં બે લોકોએ જીવ ગુમાવ્યા બાદ આજે આરોગ્ય મંત્રીએ આ નિવેદન આપ્યું હતું.
રાજ્યના આરોગ્ય મંત્રી રૂષિકેશ પટેલે મીડિયા સાથે વાત કરતાં જણાવ્યું હતું કે, “ખ્યાતિ હોસ્પિટલમાં જે ઘટના બની તે ગુનાહિત બેદરકારીનો કેસ છે જેના કારણે બે લોકોના મોત થયા છે. પરિવારની પરવાનગી વગર એન્જીયોગ્રાફી અને એન્જીયોપ્લાસ્ટી કરવામાં આવી હતી અને આ કેસની ટીમ દ્વારા તપાસ કરવામાં આવી રહી છે. તમામ જરૂરી કાયદાકીય પગલાં લેવામાં આવશે, અને આ કેસમાં કડક પગલાં લેવામાં આવશે જેથી ભવિષ્યમાં તે ડોકટરો અને મલ્ટી-સ્પેશિયાલિટી હોસ્પિટલો માટે ઉદાહરણરૂપ બને. હું એમ પણ કહેવા માંગુ છું કે મલ્ટી-સ્પેશિયાલિટી હોસ્પિટલોમાં આયોજિત સર્જરીઓ માટે એક SOP બનાવવામાં આવશે.”